Riyooyinku aad bay muhiim u yihiin. Waa waxa ku sii wadi kara oo diiradda saari kara safarka noloshaada. Nolol aan riyo lahayn waa mid aan ujeeddo lahayn.
Dad badani dhib kuma aha inay riyooyin yeeshaan ee dhibku waa inay ka guul gaaraan riyooyinkaas. Haddii aad ku wareersan tahay sida aad riyadaas uga dhabayn lahayd, talooyinka soo socdaa aad bay kuu anfici doonaan.
Hadaf yeelo
Hadafyada waxay ku xidhan yihiin riyooyinkaaga. Laakin si guul leh uma gaari kartid adigoon qeexin. Waxaad u baahan tahay inaad qeexdo waxyaabaha aad rajaynayso inaad nolosha ku dhammayso ka dibna raac siday u kala muhiimsan yihiin.
Ka fogow mashquulinta
Dunida waxaa ka buuxa waxyaabo badan oo kaa eediya hammigaaga kaana mashquuliya. Ha dhayalsan awoodda mashquulinta, ka fiirso tan: maxaad u malaynaysaa in uu ku dhici karo darawalka oo wada gaariga kuna socdo waddo weyn haddii uu eego daaqaddiisa gaariga oo socda? Waxaa laga yaabaa inuu xakameyn waayo ama uu gaari kale ku dhaco.
Haddaba marka aad ku socto jid weyn si aad u gaadho yoolkaaga, had iyo jeer iska ilaali inaad mashquusho ama ay kusoo jiitaan wax kasta oo hoos u dhigaya xawaarahaaga ama markay ugu xun tahay ku joojinaya.
Mashquulku wuxuu ku imaan karaa siyaabo badan.
La soco dadka wanaagsan
Qof kastaa wuxuu u baahan yahay qof ka caawiya inuu gaaro yoolalka noloshiisa, mararka qaarkood; ma aha xitaa hal qof, laakiin in ka badan.
U arag noloshaada diyaarad u baahan duuliye sare. Waxaad u baahan tahay dhammaan kaalmada aad heli karto si aad u gaarto meeshaad u socoto, laakiin haddii aad dhab ahaan hesho iyo haddii kaleba waxay ku xidhan tahay nooca ururada aad samaysato.
Ku nooloow mustaqbal
Waa inaad sawirataa mustaqbal guul leh oo aad dadaashaa. Waxaad u baahan tahay inaad mustaqbalka ka fikirto, mustaqbal ku noolaato, oo aad u dhaqanto sidii inaad horeba u gaadhaysay yool kasta oo aad qorsheeysay. Waxay taasi caawinaysaa fikirkaaga iyo maskaxdaada
Caqabadaha
Socdaal kasta ama safar kasta, waxaa jiri kara caqabado – wadooyin xun, cimilo xumo, iwm. Haddii aadan isu diyaarin dhacdooyinkaas.
Ka shaqeey yoolalkaaga
Kuguma filna inaad dejisato yoolal; waxaad u baahan tahay inaad ka shaqeyso sidii aad u arki lahayd iyagoo guuleystay. Taasina waxay ka dhigan tahay inaad hesho qalabka lagama maarmaanka ah iyo dejinta waxyaabaha saxda ah ee dhaqdhaqaaqa si halkaas aad u gaarto.
Iska ilaali inaad cadow samaysato
Waxaan hore u sheegay sameysashada ururada kugu habboon ama dad wanaagsan. Markaad taas samaynayso, sidoo kale waa muhiim inaad iska ilaaliso abuurista cadaw jidka kuu gala meel kasta oo aad u socoto. Sababtoo ah waxaad ka heshay qofkaas macnaheedu maaha inaadan u baahnayn berrito. Aad u taxaddar, inta badan waxaan u baahanahay buundooyin, ha gubin kuwaaga.
Wixii hore cashar wanaagsan hakuu noqdaan
Darawalka wanaagsani waxa uu had iyo jeer ka fekeraa muraayada dhinaca ah ama haadka, ma aha in uu gadaal u wado laakiin waxa uu rabaa in uu ka helo aragti isu dheeli tiran wadada ah si gaadhiga si wanaagsan ugu kaxeeyo, sidaas si lamida waa in wixii hore ama khaladaadka aynu tusaale digniin ah ka dhigano, ayna naga caawiyaan. inaan abuurno mustaqbal wanaagsan.
Ha istaagin
Ma jiraan wax wanaagsan oo waligood fudeed ku yimaada. Waa run taas. Markaad safrayso, ama aad safarkaas ku jirto, waxa suurtogal ah in gaadhigaagu jabo ama aad jidka kula kulanto wax xun, siyaalo kastaba ha ahaatee, dib ha u noqon, hore u sii eeg waxa aad heli karto, oo sii wad. Guulaystayaashu weligood ma quustaan, kuwa niyad jabana weligood ma guulaystaan.
