Khaladaadka Caadiga Ah Ee Ragga Qaar Sameeyaan Kulanka Sariirta Kahor Ee Baabi’iya Rabitaanka Dumarka
Raggu waxay sameeyaan khaladaad badan marka ay timaado kulanka raaxada, kuwaas oo si fudud u dami kara haweeneyda. Waxyaabahaas waxaa ka mid ah in aysan fahmin jirka haweeneyda iyo baahideeda, aysan bixin waqti ay isku diyaariyaan, in aysan daacad noqon oo aysan u furfurnaan lammaanahooda, iyo in aysan sameyn horudhac. Qormadan, waxaynu ku eegi doonaa qaar ka mid ah khaladaadka ugu badan ee ay raggu sameeyaan ka hor kulanka sariirta ee dumarka jawiga ka qasa.
Mida koowaad, faham la’aanta jidhka haweeneyda iyo baahiyaha ayaa ka mid ah khaladaadka ugu weyn ee rag badan ay galaan. Dumarku si ka duwan ragga ayuu dareenkoodu u kacaa, fahamka kala duwanaanshiyahana waxay fure u tahay isu-soo dhawaanshaha guusha leh. Sida laga soo xigtay healthlins, iska indho tirida kala duwanaashahan iyo inaadan helin wakhti aad ku bartaan waxa haweeneyda kiciyo dareen ahaan  ayaa noqon karta waxa Meesha ka saara dareenka iyo rabitaanka.
Ragga waa in ay ka warqabaan jirka lammaanahooda iyo calaamadaha dareenka, sida dhawaqa neefteeda iyo xawaaraha dhaqdhaqaaqa jirkeeda. Ogaanshaha aagagga dareenka ee kala duwan ayaa sidoo kale gacan ka geysan kara kor u qaadista xiriirka, maadaama haweenka qaar ay u baahan yihiin wax ka badan kaliya kicinta xubinta taranka ee caadiga ah si ay u gaaraan kacsiga.
Marka labaad, inaadan qaadan aad isku diyaariso waa khalad kale oo ragga qaarkiis sameeyaan ka hor kulanka sariirta. Waxaa muhiim ah in la hubiyo in labada dhinacba ay raaxaystaan oo ay diyaar u yihiin inay sahamiyaan midba midka kale jidhkiisa. Qaado waqti aad ku saxdo jawiga niyadda, isticmaal saliidaha duugista maadaama ay taasi idinka caawineyso abuurista ama sameyn waayo-aragnimo xiiso iyo raaxo leh.
Seddexaad, inaadan daacad u noqon oo aadan u furfurnaan lamaanahaaga ayaa ah qalad ay ragga qaarkood sameeyaan inta badan. Dumarku waa kuwo xasaasi ah oo jilicsan, waxayna filayaan xidhiidh shucuureed ka hor intaysan samayn kulanka sariirta. Waxay rabaan inay ogaadaan in lammaanahooda uu yahay mid daacad ah oo furfuran, gaar ahaan marka ay timaado ka hadalka khiyaaliga iyo doorbidaada. Ka labalabaynta ama dib u dhigista isgaadhsiinta waxay carqalad ku noqon kartaa raaxada dumarka, waxayna xitaa u horseedi kartaa inay gabi ahaanba ka baxdo kulanka raaxada.
Midda afaraad, in aan la sameyn horudhac waa khalad kale oo ragga qaarkiis sameeyaan. Ciyaarta horudhaca ahi inta badan waa furaha raaxada guusha leh, maadaama ay siiso labada lammaane waqti ay ku nastaan, farxad ku dareemaan kuna abuuraan kimistari.
Ciyaarta horudhaca ahi waxa ay hawlgelisaa habdhiska neerfaha, iyada oo kordhinaysa heerka kacsiga iyo raaxada labada dhinacba. Intaa waxaa dheer, waxay sidoo kale siinaysaa labada lammaane fursad ay ku sahamiyaan qaybaha kala duwan ee midba midka kale oo jidhkiisa ah oo ay ogaadaan wadooyin cusub oo lagu raaxaysto.
