Haddii aad ka welwelsan tahay in ninka uu ku dhow yahay inuu kaa tago, waxaa jira calaamado aad ka eegi karto oo ku tusi kara waxyaabo badan. Waa kuwan afar calaamadood oo laga yaabo inaad ku garato ninka uu ku dhow yahay inuu kaa tago:
1. Wuu fogyahay/ Soo dhowaansho malahan
Mid ka mid ah calamadaha ugu waaweyn ee lagu aqoonsado ninka laga yaabo inuu kaa tago adiga ayaa ah haddii uu si lama filaan ah uu kaaga fogaado. Taasoo macnaheedu ay tahay in aanu sidii hore u lahayn kalgacal iyo soo dhowaansho ama aanu wakhti badan kuula qaadanayn.
Haddii uu iska ilaalinayo inuu waqti kula qaato, burinayo qorshayaasha, ama u muuqdo mid ismashquuliya markaad wada joogtaan, waxay calaamad u noqon kartaa inuu niyadda kaa sii saarayo.
2. Isgaarsiin ma jirto
Calaamadda kale ee ninka laga yaabo in uu ku kaa tagi karo lagu garto waa haddii uusan ahayn mid kuula soo xiriira ama kuula soo hadla sidii hore.
Haddii uusan uga jawaabin qoraalladaada ama wicitaanadaada sida ugu dhaqsaha badan sidii u horey usameyn jiray oo kale, ama haddii uusan kuula sheekeysan, waxay calaamad u noqon kartaa inuu lumiyay xiisaha xiriirka.
3. Xanaaq/caro
Haddii ninka uu bilaabo in uu noqdo mid xanaaqo ama uu kuu samri waayo, waxay calaamad u noqon kartaa in uu kaa tagayo.
Haddii Aad la hadasho oo uu si xanaaq leh ama si lama filaan ah kuugu jawaabol, waxay calaamad u noqon kartaa inuu ka fikirayo inuu wax soo afjaro.
4. Ma rabyo iskusoo dhowaansho jireed
Ugu dambeyntii, haddii ninka uusan daneyneyn isu soo dhawaanshaha jireed sidii uu ahaan jiray, waxay calaamad u noqon kartaa inuu kaasii tagayo.
Haddii uu ka fogaanayo xiriirka jireed ama uu u muuqdo mid fog ama maskaxdiisa aysan joogin inta lagu jiro waqtiyada isku soo dhowaanshaha, waxay noqon kartaa calaamad muujinaysa inuu lumiyay xiisaha xiriirka.
Dabcan, waxaa muhiim ah in la xasuusto in ay jiri karaan arrimo kale oo kaalin ka qaata waxyaabahan, sida walaaca ama arrimo la xiriira dhanka caafimaadka, laakiin waxaa muhiim ah in fiiro gaar ah loo yeesho isbeddel kasta oo ku yimaada dabeecaddiisa.
